Privatësia dhe kontaktet.
Kjo faqe shpjegon të dhënat që përdor versioni aktual i Prona dhe mënyrën e kontaktimit për to.
Llogaritë dhe pronat
Platforma ruan të dhënat e llogarisë, profilin e publikuesit, pronat dhe materialet e ngarkuara. Emri dhe telefoni i profilit, së bashku me adresën, koordinatat dhe materialet që zgjedh, shfaqen te pronat e publikuara. Draftet janë të aksesueshme nga pronari dhe administratori. Fjalëkalimet ruhen si hash.
Interesimi për një pronë
Kur dërgon formularin e interesit, emri, telefoni dhe mesazhi yt ruhen dhe shihen nga administratori i platformës për trajtimin e kërkesës. Mos vendos dokumente identifikimi ose të dhëna financiare në mesazh. Për të kërkuar informacion ose heqjen e të dhënave të tua, shkruaj te info@linkupshpk.com.
Kërkesat publike për prona
Kur zgjedh “Publiko kërkesë”, kërkesa, buxheti, zona, emri dhe telefoni që vendos shfaqen publikisht pasi pranon publikimin në formular. Emaili dhe fjalëkalimi i llogarisë nuk shfaqen. Kërkesa lidhet me llogarinë tënde; mund ta redaktosh ose ta mbyllësh te “Kërkesat e mia”. Mbyllja e heq nga faqet publike. Administratori mund ta fshehë dhe ka akses për menaxhimin e saj. Telefonata dhe WhatsApp hapen vetëm kur vizitori zgjedh butonin përkatës.
Email-et e platformës
Kur dërgimi është aktiv, platforma përdor shërbimin Resend për njoftime mbi kërkesat, miratimin e pronave dhe lidhjet e rikuperimit të fjalëkalimit. Email-et e kërkesave nuk përmbajnë telefonin ose mesazhin e klientit; këto shihen në panel. Lidhjet e rikuperimit skadojnë pas 15 minutash dhe përdoren vetëm një herë.
Google Maps dhe video të jashtme
Hartat e integruara ngarkohen nga Google pasi zgjedh hapjen e hartës. Kur kërkon një adresë në redaktor, teksti i kërkimit i dërgohet Google për gjetjen e vendndodhjes. Videot YouTube/Vimeo ngarkohen pasi zgjedh t’i shohësh. Këto shërbime marrin kërkesën e shfletuesit sipas politikave të tyre. Butonat e telefonit dhe WhatsApp të çojnë te shërbimi përkatës.
Statistikat e faqes
Për të kuptuar përdorimin, regjistrojmë faqen publike të hapur, kohën, madhësinë e përgjithshme të ekranit, domain-in referues kur është i disponueshëm dhe sinjalin e daljes. Identifikuesi rastësor ndryshon në çdo hapje faqeje; nuk identifikon një person dhe nuk lidhet me llogarinë. Nuk përdorim cookies analitike dhe nuk ruajmë IP, fjalët e kërkimit, parametrat e URL-së apo faqet private në statistika. Do Not Track dhe Global Privacy Control respektohen. Të dhënat shihen vetëm nga administratori dhe pastrohen pas 30 ditësh gjatë aktivitetit të radhës.
Ruajtja në pajisje
Sesioni i hyrjes përdor një cookie të nevojshme. Pronat që shënon me zemër ruhen në shfletuesin e kësaj pajisjeje; nuk sinkronizohen automatikisht me pajisje të tjera.
Zgjedhja e gjuhës ruhet në një cookie funksionale për një vit.